LUNCH佢同同事食過唔錯, 見有熱湯好啱我暖身 (唔想再病啦)
尖沙咀韓國街有好多韓國餐廳, 但是呢間, 以星期一來說, 竟然都可以坐滿座, 可說人氣很高呢~
餐廳仲會播放住韓國流行曲, 邊食邊聽, 瞬間飛咗去韓國咁
Menu清晰 有字有圖!
雖然韓國菜有部份都是用上牛肉, 我們不吃牛的人, 不用擔心, 因為呢度嘅名物就係豬手生菜包
我地就叫咗半半豬 (即係半份是豬手, 半份是五花腩)
$318看似有點貴, 但是份量是很足, 碟邊還有一大堆頭嘅沙律菜和一籃新鮮生菜
非常適合想幾個朋友仔Share嚟食
豬手炆到個皮很淋糯又夠入味, 係我鐘意嘅口感, 滿滿膠原感
五花腩肉真係看得出有層次, 味道相比清淡一點, 兩款都好食
用生菜蘸點韓式自家製醬汁包住食, 食多幾件都唔覺膩, 而且感覺也健康d
入嚟之前我話一定要點個燉湯比我暖身, 於是就點了一份較清的燉豬肉湯, 仲配送一碗白飯及辣蘿蔔
侍應把湯端上檯的時候, 石鍋是超級的熱, 湯還在卜卜的滾動, 就是喜歡韓式石鍋的保溫效果非常好
食到尾個湯還熱的
我們不知道這個湯還付上大量嫩韭菜, 有點像福岡的牛腸鍋
原來豬肉都是五花肉片(很多片), 內裡還有大蒜粒
由於這個湯較清淡, 所以侍應也俸上調味料給客人自己調味 (辣粉, 胡椒和海鹽)
不過我自己就喜歡原味, 而且飲得出係無添加味精, 飲完都唔會口乾的
平時少飯的我倆, 都忍唔住跟韓國人食法（即湯飯）
食完好滿足又暖身
