Sheep and pig

今次同朋友行維園，行到去天后，見就快到晚餐時間，就用openrice搵食。

搵到呢間幾高分又好味既小店。天后站行過去10分鐘左右（天后同炮台山站之間）。餐廳只有十幾個位，如果想食就最好訂位喇。

明太子蟹肉忌廉意粉 📌$118

明太子蟹肉忌廉意粉

本來唔敢抱太大期望，因為唔係好多餐廳既明太子意粉整得好食，但見餐牌有推薦既icon就試下。今次既明太子意粉醬整得好creamy，而且好多醬(唔洗慳住食），意粉又夠咬口（唔會太腍），反而蟹肉唔係太多（但可以接受）。意粉上面仲有啲蟹籽同洋葱碎，平衡返creamy既口感。如果鐘意食忌廉明太子意粉既朋友一定要試呀！

叄嘗卷 📌$128

叄嘗卷

卷物入面有辣吞拿魚（我自己覺得唔辣）、牛油果同炸蝦，口感好豐富，而且炸蝦仲係脆既。連平日唔食生冷野既朋友都食到，正呀。我食到最尾仲點埋個意粉既明太子醬食

全程店員都好有禮貌，又會睇下你有咩需要。因為之後有人訂咗枱，所以今次好快食完就走喇，下次一定會再去食。