Video
Read full review
2022-03-02
3 views
相信身邊總有啲朋友鍾意打邊爐，而今次要介紹呢間係位於天后區專打邊爐嘅【叁不館 City of Darkness】 ；由於無咗晚市堂食，所以餐廳亦做緊promotion推緊2人套餐$488包加一，包茶芥，同包醬料錢。✨2人套餐可以自選湯底（當日我揀咗豬骨湯底)✨兩款火鍋配料（揀咗脆肉鯇同珊瑚蚌）✨安格斯牛頸脊✨即叫即包餃同手打丸✨新鮮炸魚皮同響鈴一碟菜✨一個麵另加$20就可以任飲非酒精飲品，呢個真係好抵！我叫咗竹蔗茅根海底椰，仲有最新款Anson Lo代言嘅OOHA 飲品! 佢哋嘅湯底一啲都唔hea，多配料得嚟食完又唔會口乾，而且食材都相當新鮮同出色，午市價錢食到晚市份量可以話係超抵。另外一樣想介紹係呢到嘅裝修好有Feel！如果遲啲會放寬社交距離措施嘅話一大班朋友嚟加埋佢任飲酒精plan真係抵到爆。如果想嚟又怕疫情的話都可以考慮外賣佢哋湯底，因為外賣有折之外，我覺得打邊爐湯底都好重要；自己買啲配料就可以。但如果再懶啲唔想去街市嘅話，其實佢呢到買埋d配料， 佢哋會洗乾淨晒又處理好，一返到屋企就可以開餐！📍天后電氣道68號金輪天地7樓
✨2人套餐可以自選湯底（當日我揀咗豬骨湯底)
✨兩款火鍋配料（揀咗脆肉鯇同珊瑚蚌）
✨安格斯牛頸脊
✨即叫即包餃同手打丸
✨新鮮炸魚皮同響鈴一碟菜
✨一個麵
另加$20就可以任飲非酒精飲品，呢個真係好抵！我叫咗竹蔗茅根海底椰，仲有最新款Anson Lo代言嘅OOHA 飲品!
佢哋嘅湯底一啲都唔hea，多配料得嚟食完又唔會口乾，而且食材都相當新鮮同出色，午市價錢食到晚市份量可以話係超抵。另外一樣想介紹係呢到嘅裝修好有Feel！如果遲啲會放寬社交距離措施嘅話一大班朋友嚟加埋佢任飲酒精plan真係抵到爆。
如果想嚟又怕疫情的話都可以考慮外賣佢哋湯底，因為外賣有折之外，我覺得打邊爐湯底都好重要；自己買啲配料就可以。但如果再懶啲唔想去街市嘅話，其實佢呢到買埋d配料， 佢哋會洗乾淨晒又處理好，一返到屋企就可以開餐！
📍天后電氣道68號金輪天地7樓
0 views
0 likes
0 comments
Post
