越泰 (Closed)

作為香港人一年一度7月1日當然係去維園，去完之後係銅鑼灣搵地方食飯真係好難，索性去行下街之後就去遠少少的上環食飯，記得之前見客上環有間有名的餐廳，但係係地鐵站一上黎就見到有間靚靚仔仔的越南菜就入去試下，入到去見到好多越南泰國的裝潢佈置，胖蕉傻傻的問我：為什麼有法國的巴黎鐵塔的？當下我沒有反應，飯後想想下才記起，越南是法國的殖民地，有巴黎鐵塔的擺設是很正常的！有幾款辣椒醬，好似我係泰國帶團既時候見過果D，泰國果D係有槨香的辣椒，呢種就有點不同。最近吃飯我都留意左餐牌多左，現在的東南亞餐廳都設計好西式，整到好靚，而且好清晰易明，中菜果D反而愈來愈難看。胖蕉最鐘意食香口野，就點左軟腳...唔係!係軟殼蟹米紙卷，有面有D粉絲、菜啊、青瓜，用米粉卷卷埋一齊，因為用好多清淡的東面包住炸的軟殼蟹，令其變得無咁油膩，但係保留到那份香口感，有生菜果D包住，加多份蔬菜的爽甜，最重要的係逼到平時唔食菜的人(胖蕉)，都會愛上這碟。剛剛點左樣係泰國野，我們今次點番樣越南野，呢個係我係佢地個FB LOOK到的菜式，係原隻燒春雞，有陣陣的香茅味道，手撕嫩嫩的雞肉，胖蕉話好有以前係大陸讀書食燒春燒的感覺，都係咁食法，