燒蝦蝦 (金福閣） (Closed)

呢間餐廳冇可能一個負評都冇，網上所介紹嘅文章及短片，內容所提及嘅海鮮類大部份都冇！喺佢哋社交平台度留言評論，遭餐廳delete留言。早幾日同男朋友下午去食，見好多評論都係正評，又多海鮮選擇，於是book枱去試吓。去到海鮮區，只得螺、蜆、蠔、魚同魷魚。好多人所提及過有白鱔送，根本都冇。仲有鮑魚？帶子？扇貝？完全見唔到！雖然蝦係新鮮，蠔同其他海鮮類都係麻麻地，羊架係幾好食。如果佢老老實實咁做宣傳係冇咩問題，但竟然搵好多打手講話佢有好多唔同嘅海鮮，上佢社交平台留言仲要delete留言，呢個做法有啲離譜。