Video
Read full review
2017-11-28
1701 views
其實留到意佢開張都一段時間，今日終於有時間嚟到食啦！ 之前睇到facebook 朋友話要排隊都有啲驚，12點9嚟到，雖然都幾多人，但唔洗排隊，直接入得！入到去先買飛，之後店員會帶入座，再介紹餐具，食物，飲品等等嘅位置。之後就可以開始拎嘢食啦！掛住食都唔記得咗影相，舖頭中間位置就係放食物嘅地方，雖然多人，但大家都好守秩序排隊拎嘢食，所以都幾舒服。大部分食物都試咗，其實樣樣都幾好，唔差，食物食晒都好快refill 返。最記得特別好味嘅係煎釀三寶、口水雞、沙律、生果都好甜。仲有湯添，平時真係好少飲冇用肉煲嘅湯，冇油浮喺面之餘仲好甜，真係估唔到！食完要自己執返餐具，仲有回收廚餘👍🏻但見到廚餘桶入面都有啲垃圾，睇嚟大家都未習慣回收廚餘，希望會好啲啦！
之前睇到facebook 朋友話要排隊都有啲驚，12點9嚟到，雖然都幾多人，但唔洗排隊，直接入得！
入到去先買飛，之後店員會帶入座，再介紹餐具，食物，飲品等等嘅位置。之後就可以開始拎嘢食啦！
掛住食都唔記得咗影相，舖頭中間位置就係放食物嘅地方，雖然多人，但大家都好守秩序排隊拎嘢食，所以都幾舒服。
大部分食物都試咗，其實樣樣都幾好，唔差，食物食晒都好快refill 返。最記得特別好味嘅係煎釀三寶、口水雞、沙律、生果都好甜。仲有湯添，平時真係好少飲冇用肉煲嘅湯，冇油浮喺面之餘仲好甜，真係估唔到！
食完要自己執返餐具，仲有回收廚餘👍🏻但見到廚餘桶入面都有啲垃圾，睇嚟大家都未習慣回收廚餘，希望會好啲啦！
Post
