上海維記

Open Now

Now Closed

呢間「打工仔佳音」真係大角咀街坊福音嚟㗎！$56起就有齊湯、小食、菜飯同飲品，仲要即叫即炒，熱辣辣上枱，抵食到笑！ 銀芽炒鱔糊客飯，鱔魚爽脆彈牙，份量夠晒多，銀芽炒得啱啱好，唔會淋pat pat，仲有啲甜味添！黑醋骨客飯都正，排骨外脆內嫩，酸甜醬汁撈飯一流，食完仲想encore！ 小籠包蒸籠上，爆哂湯汁好有驚喜！菜飯係亮點！飯粒分明，混咗超多白菜，清新唔油膩。例湯料多但略淡，不過送飯都OK啦～小食係烚枝豆，健康之選；飲品有自家製豆漿，夠晒誠意！ 總括來講，呢度嘅客飯抵食大份，絕對係打工仔同街坊嘅快靚正之選！