Video
5-min walk from Exit B, Olympic MTR Station
continue reading
Telephone
26876888
Introduction
Led by a chef with over 30 years’ experience, the restaurant offers authentic traditional Shanghai cuisine. Every dish is carefully crafted and served in a comfortable environment, providing a genuine and high-quality Shanghai dining experience.
continue reading
Opening Hours
Today
11:30 - 16:00
17:30 - 21:30
Mon - Fri
11:30 - 16:00
17:30 - 21:30
Sat - Sun
11:00 - 22:00
Public Holiday
11:00 - 22:00
*最後落單時間:21:30
Above information is for reference only. Please check details with the restaurant.
About Reward Scheme
今日同班friend去大角咀搵食，諗起好耐冇幫襯「上海維記」，一於去回味下！間舖頭都係嗰種地道街坊feel，坐得迫少少但夠晒熱鬧，預咗㗎啦。講真，今次我個心係為咗 「瑤柱賽磅蟹」 而嚟！聽個名都知係搞搞新意思，將傳統「賽螃蟹」升級，果然冇令我失望！一上枱，嘩！賣相已經贏晒。大大碟，炒蛋白又白又滑，好似雲咁，上面鋪滿 金黃色嘅瑤柱絲，仲有啲蟹肉同蟹籽點綴，望落好靚仔。最緊要係聞到陣陣 好香嘅瑤柱味，未食已經流口水！急不及待舀一匙入口... 真係超！級！鮮！甜！ 啲蛋白炒得 超級滑溜，火候啱啱好。重點係啲 瑤柱絲，份量絕對唔孤寒，咬落去帶點韌勁，但鮮味十足，完全帶起成道菜嘅靈魂。蟹肉同蟹籽就加多份口感同鮮味層次。個味道真係好濃郁，但又唔會死鹹，係嗰種天然嘅海鮮甜味，撈飯食真係一流，我哋成枱人搶住食！雖然略嫌碟底有少少油（傳統風味係咁？），但個味道同口感真係 冇得彈。四百蚊左右嘅價錢（睇你點咩餸），有咁足料嘅瑤柱菜式，我覺得 好抵食！如果你係鍾意鮮味、鍾意食瑤柱嘅人，嚟上海維記大角咀，呢個 「瑤柱賽磅蟹」絕對係必試之選！我下次嚟，一定encore！其他嘢食？穩穩陣陣啦，但主角一定係佢！
continue reading
男朋友鐘意食中菜 揀咗呢間同佢收工食呢間上海菜館的環境 整潔新淨 地方唔大 不過位置都算多非常適合家庭聚餐或朋友小聚餐廳菜式選擇好多 除咗有二人/四人餐之外仲有單點 兩個人諗唔到食咩 所以揀咗個二人套餐招牌小籠包(4粒)小籠包皮薄餡多 湯汁濃郁 咬開勁多湯汁😍上枱嘅時候熱辣辣超正🤩👍🏻配埋豆瓣醬食好惹味 黑醋骨黑醋骨 色澤好靚 睇落已經覺得好濃味😍賣相係滿分嘅 味道我都比滿分😗份量超級超級超級多!! 好抵食呢間店用嘅唔係全瘦肉 類似五花腩咁樣 有小小肥肉 食落甘香而不膩 啲肉非常掛汁 配埋白飯簡直完美😌😌瑤柱賽螃蟹 賣相good good👍🏻蛋香味濃郁蛋白口感有彈性嫩滑 而且唔油膩配埋瑤柱絲食好正🤤滿滿嘅蛋白好正 我直頭一羹一啖當飯咁食🤭😂😂雖然套餐係包埋甜品：綠豆沙唔係我哋散嗌嘅 但係呢個甜品都做得絕對唔馬虎 食落清香 綠豆起沙 夏天食感覺消暑清熱！整體嚟講呢個二人餐都算抵食 食物嘅味道幾好 而且份量好足 兩個人食 絕對夠飽😋套餐包咗小籠包, 2個小菜2碗白飯, 飲品仲包埋甜品 而且店員服務貼心 點餐之前都會過嚟推介吓餐廳嘅菜式 如果你想品嚐下正宗的上海風味 可以考慮同朋友嚟呢間試吓😌😌
continue reading
訂咗枱4位，俾張6人枱，坐位都算舒服。打開menu好多野都想食，選擇困難，咁就揀哂佢signature野。大部分菜式都現煮，需然上菜時間會長啲，但個個餸都熱辣辣咁上菜。小籠包：皮算簿、肉汁豐富醉雞：酒味偏淡，但整體味道都唔錯、雞肉都滑賽螃蟹：擺盤配料都有誠意，香滑而口感豐富奶油津白黑醋骨：外脆內軟，多肉汁，味道幾好，而且唔厚粉👍🏻銀芽炒鱔糊：鱔肉爽彈唔會乾爭爭、芽菜仍然脆，汁料唔會太濃，好味😋
continue reading
上海菜喺香港都算係比較多選擇，但品類不外乎都係小籠包擔擔麵之類的菜式。今次來到位於大角咀嘅上海維記就食到一啲其他上海菜餐廳唔常見嘅美食。除左食物質素不錯之外餐廳服務都非常體貼，用餐環境都清幽舒適！銀芽炒鱔糊係依餐飯入面我最喜歡嘅一道菜，鱔糊喺香港唔算常見，正宗嘅口味更加少之又少。上海維記嘅鱔糊同我之前去上海旅行食到嘅味道非常相似！鱔魚嘅處理好好，好爽脆嫰滑，而且卑嘅份量一啲都唔吝嗇，好多鱔！銀芽嘅處理我都非常滿意，爽脆可口！單骨醉雞翼本身我唔係太鍾意食有骨嘅肉，但依個雞翼有做單骨處理都幾容易食！雞肉好入味，花雕酒嘅酒香同雞翼好合襯，雞肉唔會太老，雞皮爽脆可口！小籠包正常水準嘅小籠包，湯汁豐富，皮薄餡大。上來嘅時候熱辣辣上海粗吵好正常嘅粗吵，很有鍋氣，搭配附送嘅蒜蓉辣椒醬非常開胃🤤
continue reading
食咗十年都唔厭嘅街坊飯堂，今日私心推介三款「食過返尋味」嘅招牌菜，保證你試完變熟客！1. 鎮店黑醋骨：酸甜控必掃！佢哋嘅黑醋骨真係無得輸！排骨炸到外皮「嗦嗦聲」，咬落脆得嚟又唔油，重點係個醋汁調得超平衡——酸得醒胃，甜得溫和，仲有淡淡話梅香吊味。每舊肉都掛滿琥珀色醬汁，送飯一啖接一啖，碟底汁都想撈清！2. 銀芽炒黃鱔：鑊氣爆燈！怕鱔腥？呢碟絕對改觀！新鮮黃鱔片厚薄剛好，炒到微捲帶焦邊，肉質彈牙似蛇羹嘅爽脆感。銀芽索咗鱔油同韭黃香，夾埋蒜片同豉油大火爆炒，上枱仲有「滋滋」聲！最正係完全冇泥味，鮮香惹味到想即時encore～3. 桂花酒釀丸子：暖胃神作！食完濃味整碗甜品，佢哋嘅酒釀丸子係靈魂所在！手工搓嘅芝麻小丸子軟糯唔黏牙，酒釀甜中帶微微酒香，再灑滿金黃桂花碎，一啖暖湯落肚，成個人即刻鬆晒。凍天飲幸福感爆棚，夏天食反而解膩，真心推介必點！
continue reading