極尚大瀛喜日本料理

Open Now

Now Closed

喺大西北約朋友食放題，諗嚟諗去都係會去返元朗Yoho Mall嘅呢一間極尚大瀛喜日本料理，價錢經濟、選擇又多，食咗好多次，絕對係質素保證✌️食放題慣咗第一round叫一大盤刺身，三文魚、吞拿魚、八爪魚、油甘魚、甜蝦、填蝦、北寄貝、帶子、榮螺，刺身類好新鮮🥳師傅刀功幾好，擺盤亦精巧細緻🤩近幾個月都冇乜食放題，今次可以一次過滿足晒我食刺身嘅意慾😈串燒/一品料理環節，最鍾意食佢哋出品嘅燒牛舌🥩燒得好香口，同時保留到好多肉汁！芝士焗大蝦🍤上次嚟食好似唔覺有呢個有得點，今次試咗覺得幾唔錯！炸物類，芝麻雞翼、吉列炸蝦、鮮奶卷、紫薯波波，全部都好邪惡但一定要食😍每次都必食嘅牛油炒粟米😆飲品有自家製冷泡菜、Somersby蘋果醋，好過飲汽水🤣呢度前菜、小食係放喺自助區範圍，可以出去自取，想食乜就拎乜～炸得好香脆嘅薯角🍟隔離仲有細細件嘅葡撻，細細件設計真係幾好，可以過足口癮之餘，同時又唔會太佔食量～巨型飲品櫃，好多選擇😀食飽之後仲有自助雪糕機！甜品區，今次食到太飽冇試到，下次有機會再試！