上海婆婆 (東港城)

Open Now

Now Closed

順便叫咗幾味經典菜：宮保雞丁、水煮牛肉同雷沙湯丸，試吓佢哋嘅功力點樣。婆婆粒粒炒飯主角炒飯真係冇令人失望！飯粒粒粒分明，炒得乾身又香口，蛋花同青蔥嘅配搭好經典，仲有啲臘肉粒加咗陣陣鹹香，食落真是一個字 - 香！份量都唔細，我哋兩個人share一碟都夠飽。真心推介，鍾意炒飯嘅朋友一定要試！宮保雞丁宮保雞丁都幾有驚喜，雞肉炒得嫩滑，腰果香脆，辣椒同蔥段嘅調味好惹味，微辣中帶點甜，係嗰種會令人想一啖接一啖嘅味道。不過如果可以再多啲花生同辣椒會更好，總覺得份量稍為少咗啲。水煮牛肉水煮牛肉就係嗰種「睇落好邪惡但好想試」嘅菜，紅彤彤嘅辣油真係好搶眼！牛肉片薄而嫩，入口好滑，辣油麻辣得來唔會太過「死鹹」，不過對我哋一啲唔太食得辣嘅香港人黎講，略為辣咗少少，整體來講味道係唔錯，辣嘅朋友應該會好鍾意。雷沙湯丸甜品雷沙湯丸係一個完美嘅ending。湯丸皮薄餡靚，黑芝麻餡好濃郁，咬落去仲有啲流心效果，甜度啱啱好，唔會太膩。熱辣辣端上黎，食完啲辣菜再食真是一個好平衡。