華記海鮮飯店

Open Now

Now Closed

去到梅窩總係想搵一個海邊嘅餐店食一食晚餐。如果唔想咁貴但係又可以享受到地道風味嘅，去依間華記係唔錯嘅選擇。依間大排檔唔係好大，當日係假期，我哋已經係六點嘅時候去到，但係都要搭枱。但係好有趣嘅係同我地搭枱係幾個識得講廣東話嘅韓國人，佢地都好地道啊！我哋都好喜歡係用嘅雞公碗碟。我哋叫咗大排檔我哋都會習慣叫嘅椒鹽排骨，味道好香口，好入味，好啱送飯。另外都叫咗牛仔骨，肉算係好多，好林好濃好入味。對面嘅韓國人見到我哋叫都跟住叫，但係只係六點四嘅時間侍應就話賣晒囉。下次如果再嚟到呢邊食嘢，會繼續選擇呢間大排檔，雖然室外位置冇冷氣，但係吹住海風，享受地道美食，係唔錯嘅選擇。