Video
Telephone
29841665
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
啱啱返嚟香港，趁放假入梅窩行吓食吓嘢，見呢間喺OpenRice都有幾多好評，即管入嚟試吓。老闆娘安排咗海邊座位，加上天氣唔太熱，所以望住個海景食嘢都幾舒服。自己一個嚟食，所以冇叫海鮮，嗌咗個咖喱牛腩飯，5分鐘左右已經送到，叫咗少飯但都俾得非常足料牛腩牛筋各佔一半，都炆得好腍好入味，洋蔥青椒等等嘅配菜都好多，咖喱汁調味方面唔係一般茶餐廳嗰種，而係偏向似星洲炒米嗰種咖喱味，幾有特色總括而言，食物質素同埋餐廳環境都好好，價錢亦相宜，下次同屋企人嚟梅窩嘅話會再試埋啲海鮮
continue reading
次次行完山，終點係梅窩嘅話通常喺度食 。星期六下午三點幾冇乜客係正常，但老闆娘話出邊工程修路，生意大減，希望佢做得住啦🙏🏿椒鹽鮮魷：鍾意佢炸到唔會太燶，點埋佢個醋真係正，行完山最好嘅獎勵 。廈門炒米：正常發揮，雖然偏紅但唔會太甜，亦都唔會鹹 。煎蠔餅：其實我唔太鍾意食蠔，所以呢度嘅蠔無嗰種腥味（鍾意食蠔嘅人會叫佢做鮮味）我覺得反而好，我最欣賞係佢一啲都唔油膩，成個餅鬆脆輕飄飄。 老闆娘提我哋食完個蠔餅要飲涼茶。
continue reading
話說我同朋友咁啱行完山非常肚餓…搵餐廳醫肚…隨便叫最正常既炒粉麵填飽個度就算.諗住冇咁伏…點知…大失望….🫥星洲炒米：睇落冇咖喱色的一疊嘢…味道淡到…冇嘢好講.真喺好求其兜兩嘢出黎既🙂↕️⋯⋯🫥生炒牛肉飯：落檯見倒似濕撈飯…飯仲有一舊舊癡住白色完全未散既.牛肉又一堆…要用匙自己撈勻它….都算我人生中見過兩味最唔正常既食物！由於非常肚餓都勉強食下….真喺唔會再幫襯！真喺離島就咁離地既食物……
continue reading
本身我哋住東涌，一家人突然好想食個海鮮，加理想同小朋友去沙灘玩一玩，一般人都會諗起去長洲，不過身為東涌友，梗係去返最近嘅梅窩 啦。 其實係第一次喺梅窩食海鮮，估唔到有驚喜，五大一細，叫咗蠔餅、生炒骨、椒鹽鮮魷、小炒王再加個炒飯，每人叫一味，重點海鮮新鮮，小炒有鑊氣，仲要喺個海灘靚景隔離食，真係完全加晒分，小朋友睇住個海吹下風都超級開心，長輩都大讚揀呢間餐廳掂丫。 雖然食完海鮮諗住去沙灘玩，點知落雨，但係食到呢餐海鮮餐都覺得滿意啦。
continue reading
Weekend帶小朋友同狗仔去梅窩玩水由朝玩到晚 最後決定係梅窩食埋飯先搭船出中環諗住熟食中心近碼頭 方便趕船所以去到熟食中心是但揀咗一間多人食 見d野食個樣都唔錯就坐低 有個大海景 好舒服我地3大1小叫左5樣野 全部都好有鑊氣 色香味俱全 正雜薈炒麵第一次叫 其實都唔知雜薈會有啲咩 感覺好似咩都有啲都幾好 有菜、鮮魷、肉片、叉燒、魷魚、豬潤等等 都幾豐富 個面底又脆脆哋小朋友鍾意食京都豬扒個汁較得好好 酸酸甜甜好開胃 而且豬扒唔靭好味紅燒乳鴿上枱熱辣辣外皮脆入面仲有肉汁 咖喱牛筋腩煲呢個好惹味 送飯一流 牛筋腩都唔少 因為呢個餸食咗好多飯椒鹽鮮魷標準大排檔水準 正食飽飽就搭船返中環 好滿意今次梅窩之旅 下次可以再encore
continue reading