橫水渡小廚

Open Now

Now Closed

因疫情冇得去旅行，唯有去大澳一日遊當度假。夏日炎炎入到大澳，唔少得掃下街，食吓特色美食。但係因為天氣實在太熱，行咗一陣就決定搵間室內食肆休息一下。三點幾鐘，餐廳裏邊坐咗大約一半人。我哋一行兩人就叫咗咸鮮蝦乾荷葉籠仔飯，同埋炸墨魚餅。對於兩個人來講，份量足夠。荷葉飯大概有六個碗仔嘅份量，墨魚餅亦有八舊。荷葉飯好有風味，配料有豬肉、蝦乾、白飯魚乾同埋魚柳粒，飯面淋有蝦醬，好香好野味。不過食到最後，覺得有啲鹹得滯。另外墨魚餅，略嫌炸得唔夠香，同埋好油。但食落裏面有一粒粒墨魚肉，有咬口。整體來講，價錢稍貴，但如果下次再去大澳，都應該會再encore。