Video
Telephone
29858343
Good For
Group Dining
Opening Hours
Today
11:30 - 19:30
Mon - Sun
11:30 - 19:30
Above information is for reference only. Please check details with the restaurant.
Review (163)
23/4/2025 星期三，舒舒服服閑遊大澳，喺東涌搭11號巴士，沿途欣賞風景，40分鐘左右車程，到達大澳，第一時間梗係搵食啦！經過大澳壁畫，見到「橫水渡小廚」，就是朋友介紹的這一間食店。店內分兩區，室內有冷氣，由於天氣熱，我哋選擇坐室內。我哋二人，簡單叫咗三款小菜，有：-大澳蝦膏蒸豬頸肉，好正，豬頸肉有蝦膏香味，亦有少少甜，唔太咸，入口美味。腰果西芹炒蝦球，夠鑊氣，蝦球彈牙，而且份量足😋客家籠仔蒸菜心，菜心鮮嫩，配以梅菜，有客家菜風味，好食。當日不是假期，店舖都好好生意，有遊客亦有大澳本地人幫襯，可見食物出品好，店員招呼友善，價錢合理，定必受歡迎。
continue reading
貴價垃圾級別，切勿中伏，試吓大澳小食仲好墨魚餅好似小賣部普通小食咸鮮蒸飯白飯+蝦乾+蝦醬+油擺喺塊荷葉上面 ，完全係零荷葉味。椒鹽鮮魷新鮮整既垃圾。冇椒亦冇鹽，炸到白恰恰。大排檔環境有咩好去，既無海景又無山景。茶葉up 嘅三樣嘢 $5XX 極度搵笨，係極度。切勿以身試法。你不如用啲錢去食大澳小食，建議食沙翁（即炸非常好味）、燒魚春..etc 你先試左尼兩樣野，就知我講嘅係堅。相信我，唔好幫襯，你唔會有任何損失。否則我唔會咁得閒無啦啦開post。唔食係唔會蝕底，只會賺咗。
continue reading
難得有幾位朋友來自台灣嚟香港旅遊搵我玩，我帶左佢地去大澳1日遊。夜晚黑黎度呢間出名嘅橫水渡小廚，坐低嘅時候就想點佢地招牌菜墨魚餅。而店員推介燒鵝，本身我地都猶豫然後隔離台話都好味，隔離台仲特登向我地推介籠仔飯話哩嗰超好味，係必食。於是我地就叫左呢三樣野。墨魚餅確實好味，籠仔飯亦確實係好出色，好似冇乜喺第二度食到哩個風味，啲魚仔撈埋啲飯好香！係爭在某一種魚佢可能重手左非常之咸。至於燒鵝就不過不失！整體黎講我地都享受依晚嘅晚餐，最重要既係佢係河邊，可以睇到大澳獨有嘅水上棚屋美景！
continue reading
之前食過一次有印象係咩都OK嘅，今次去再試，味道唔錯，服務都正常，超級多人喺度食飯，特別注意餐廳係冇寫出嚟收茶水費，大排檔都收加一啊，要應該要明碼實價寫出嚟😂😂😂🍴茶位每位 $8 收加一服務費🍴 咸鮮蝦乾荷葉籠仔飯 $188 (8/10)用咗大澳兩寶，就係鹹蝦醬同埋蝦乾魚仔乾豬肉，個飯都粒粒分明幾乾身有少少荷葉嘅味道，鹹蝦醬唔會好鹹，用得有少少，幾香口嘅 另外蝦乾魚乾都真係好紮實，好有蝦味，更加有層次，中間少少豬肉粒添！🍴西蘭花炒魷魚 $118 (7.5/10)魷魚好大塊，食落去有口感都幾有魷魚味，不過相對比較老身少少？西蘭花就正常，清淡帶有少少酒味？！🍴墨魚餅 $148幾油下，好有咬口，真係粒粒墨魚，食落去係比較彈牙，唔會好鹹，淨係食到墨魚嘅香味，配咗個雞醬都OK。推薦指數: 8/10好食嘅，不過有啲貴，三碟就已經五百幾蚊，絕對係貴過平時食嘅大排檔，不過難得嚟一次大澳就冇所謂啦😂
continue reading
在大澳吃飯，可選擇的茶餐廳是一目了然的，看餐廳內客人多不多便知道。就算位置很好，位於搶眼位置，客人都可以很少，這家茶餐廳內就充滿了本地人，仿似是聚會或甚麼慶祝會的。當然成為了我們選擇目標。他上菜是慢了，但服務態度很好，居然把事情挌了。菜式炸尤魚，尤魚固然新鮮，炸出來又鮮嫩，彈牙，甚至脆口，香氣撲鼻，十分美味。炸豆腐也有同樣的效果。非常贊。他的小炒加入了多種當地的魚乾海味，再配合蝦醬炒出，海鮮野味炒作，只有這菜可感受到。
continue reading