相馬日式火鍋 (Closed)

超想食牛，相馬日式火鍋晚市放題有3種選擇，$178, $258 & $308。加左人工想食好啲，所以揀左$308（星期五六日，公眾假期及前夕要加$20），上菜速度好快，落單後幾分鐘就上菜。最貴嗰款可以食埋牛小排，中間價位可以食牛頸脊，一分錢一分貨，我覺得畀多50蚊食埋牛小排好值，大家如果budget有限，我覺得$258都已經好食得過。牛頸脊同牛小排都好有牛味，牛小排肉質會再嫩滑啲。牛嘅水準完全保持到，碟碟都咁靚，唔係淨係頭個round靚，激讚。另外，好值得讚嘅地方係選擇多，除咗一般放題都會有嘅海鮮、菜&丸，仲有炸物同串燒，我哋覺得炸午餐肉&炸墨丸都好好食。海鮮類最推介係大頭蝦，上枱時仲好生猛，好甜，彈牙，大滿足嘅一餐。大推！！！