相馬日式火鍋 (Closed)

同屋企人今次嚟到相馬試一試佢哋任食火鍋放題😽嗯～果然冇令我失望😻講翻呢到既火鍋先！原來係放題多部曲嚟㗎🙀意思係佢會按順序咁上啲野食～～首先食嘅係日式茶碗蒸，好少打邊爐會有茶碗蒸食😼唔錯唔錯👍跟住就係有得揀辣度嘅雞煲啦😽雞嘅肉質好嫩滑，我哋嗌咗中辣超正超香好入味😻😻食咗雞煲之後就係食佢嘅蒸海鮮啦，海鮮類別有蟶子，帆立貝，花甲，沙白，藍青口，蝦，魚等等😺全部都極新鮮好清甜，用蒜蓉清蒸真係冇得頂✌️估唔到仲有花膠雞湯飲添😽雞湯好濃唔似用雞精煲出嚟。最後就係重頭戲火鍋啦😼火鍋任食肉有進口牛，豚肉，同雞髀肉，全部肉嘅質素都唔錯👍仲有啲自助蔬菜我最鍾意食啲瓜瓜菜菜，呢度啲蔬菜好新鮮我仲食咗好多😽小食方面，仲有炸物，雞翼，串燒等等。另外雪糕同嘢飲同其他火鍋放題一樣都係任食款式都好多😻😸大力推薦～～～