Video
Read full review
2018-05-29
10865 views
上星期4 同兩個同事約左期待已久想食既日式放題，終於食到！呢間殿。大喜屋既裝修同佈置，其實同酒店真係無咩分別，環境幾靚，位置方便，地鐵站行過去都係5mins, 而且可以容納既人都幾多，人多人少都有合適既檯！餐廳以日式食品為主，主打刺身，壽司，日式料理，串燒等，每張檯應該有兩本落單紙，總共12 張，每張紙大約有3-4 樣選擇，由生既到熟既都有好多選擇！ 肚既空間有限，但每樣都好吸引，真係唔知點揀好！haha大家千祈唔好意為只係得落單紙咁簡單，我覺得係比較靚同好食既野先會有落單紙，其他簡單既食物會喺出面自助bar檯度出現，例如芝麻8爪魚，泡菜，沙律等小食，都可以喺呢度揾到！而飲品都係勁多選擇，連維他檸檬茶都有！ 當然又點會少得啤酒汽水呢d基本野，喺汽水櫃對面其實仲有清酒提供，而且都係自助形式，飲幾多都無問題，啱晒飲得之人！甜品櫃先至誇張，足足有4 個雪櫃咁多，各式各樣生果，餅，奶凍，鬆餅都有供應，我估酒店自助餐都無咁多選擇！除左甜品同生果外，仲有雪糕！而雪糕都係d大牌子，例如'哈根大師' 咁，即係食多兩個都抵返嗰隻！行完一個圈返嚟，頭先落單既食品都陸續送到，先嚟有極美味既刺身類同壽司，估唔
呢間殿。大喜屋既裝修同佈置，其實同酒店真係無咩分別，環境幾靚，位置方便，地鐵站行過去都係5mins, 而且可以容納既人都幾多，人多人少都有合適既檯！
餐廳以日式食品為主，主打刺身，壽司，日式料理，串燒等，每張檯應該有兩本落單紙，總共12 張，每張紙大約有3-4 樣選擇，由生既到熟既都有好多選擇！ 肚既空間有限，但每樣都好吸引，真係唔知點揀好！haha
大家千祈唔好意為只係得落單紙咁簡單，我覺得係比較靚同好食既野先會有落單紙，其他簡單既食物會喺出面自助bar檯度出現，例如芝麻8爪魚，泡菜，沙律等小食，都可以喺呢度揾到！
而飲品都係勁多選擇，連維他檸檬茶都有！ 當然又點會少得啤酒汽水呢d基本野，喺汽水櫃對面其實仲有清酒提供，而且都係自助形式，飲幾多都無問題，啱晒飲得之人！
甜品櫃先至誇張，足足有4 個雪櫃咁多，各式各樣生果，餅，奶凍，鬆餅都有供應，我估酒店自助餐都無咁多選擇！
除左甜品同生果外，仲有雪糕！而雪糕都係d大牌子，例如'哈根大師' 咁，即係食多兩個都抵返嗰隻！
行完一個圈返嚟，頭先落單既食品都陸續送到，先嚟有極美味既刺身類同壽司，估唔到呢度既拖羅會係咁高質素，我都未試過食自助餐會有拖羅食，呢度d拖羅肥美十足，我足足食左半打！其他如帶子，甜蝦，都係非常甜美，值得推介！而壽司就推介食左口魚鰻魚，都係高質，特別要講下個海膽手卷，海膽都幾鮮甜，平時唔多食海膽既我今次都俾佢吸引到！
至於其他熟食，我哋推介 燒得甜美既北海道燒帆立貝，非常惹味既殿之霸皇蟹，仲有好有鑊氣既和牛薄燒，同好有肉汁既鹽燒牛舌！
另外仲有兩個我覺得特別好食既係蒲燒鰻魚，同燒香草羊鞍，由於即叫即燒，製作需時，記得早d 落order!
鰻魚燒得外脆內稔，d醬汁入晒d鰻魚肉度，每片都是精華所在！
至於羊架質素都幾好，肥瘦適中，亦燒得恰到好處，羊味十足，肉汁多！
而甜品太多，我唔逐一介紹，特別推介呢個海鹽雪糕，比哈根大師更出色，香甜之餘，有一點咸味，牛奶味突出，我足足食左兩個！令到呢餐大滿足！
Post
