御滿屋日本料理

Open Now

Now Closed

好耐無去過食日式放題，最近趁疫情好轉返啲同友人去食下先。呢間放題仲係用緊紙嚟落單，喺大部份已經電子化嘅世代帶點懷舊嘅感覺。喺近入口位置有大約廿款左右嘅食物類似自助餐咁自取，最特別嘅係連爆谷機都有。另外仲有甜品同生果任揀。汽水同酒都有成廿多款揀，連清酒、梅酒都有。刺身新鮮清甜好好食。壽司嘅刺身都好肥美。燒牛肉牛肉好重好好味。和風汁牛柳粒煮得好入味，口感鬆軟唔錯。鹽燒牛舌煙韌有口感，加咗檸檬汁更惹味。牛肉烏冬嘅牛肉大概5成熟好鮮嫩，烏冬好彈牙。最後雪糕每位可以揀一款，今期嘅季節限定係哈密瓜口味，食落有粒粒果肉好正！