滿屋日本料理 (Closed)

今日同老公兩個人過咗香港嗰邊辦年貨，行到差唔多晚飯時間，梗係周圍望下有啲咩食啦，銅鑼灣確實好多選擇，我老公同我講話好耐冇食過日本放題，所以最後就決定食呢一間，入到去環境非常舒適，好闊落，服務員亦都非常親切有禮，除咗要落單既食物之外，出面都仲有一啲自己攞嘅嘢食，例如有牛舌、鳳爪、炸薯角、小丸子、沙律🥗、甜品🍮、爆谷等等.......我都唔敢攞咁多啦，怕只係食自己攞嘅食物都食飽😂，所以我每樣只係攞咗少少，味道都唔錯，另外我叫咗刺身、壽司、芝麻雞翼、雞軟骨等等......太多啦，都寫唔晒落黎😂😂，三文魚好厚身又肥美，甜蝦、大赤虾同帶子都非常鮮甜，所有刺身非常新鮮，而壽司方面質素亦都非常高，啲飯唔會話一夾就散，同埋細細舊，唔會咁快就飽😂，禦品鮑汁會花膠，花膠同冬菇到非常入味，味道剛剛好，又唔會太咸，西京比目魚，魚身非常滑，我個人非常喜歡食呢一個，牛肉網燒，牛肉味非常濃郁，好腍，呢一個都好好食，呢一間日式放題都唔錯，選擇繁多，價錢亦都唔係好貴，最重要係飲品方面非常多選擇，仲有提供埋清酒或梅酒，整體來講值得一試👍🏻👍🏻