大瀛喜日本料理 (Closed)

因為減肥嘅關係，好耐都冇食過放題啦，但係今日心血來潮好想食，又有朋友可以陪我一齊食，實在太好啦。睇過咁多間放題，覺得呢一間好評最多，所以就即興六點鐘去食。呢間放題嘅座位一啲都唔迫，坐得好舒服，食物嘅種類都好多，可能因為係好早去嘅關係，所以啲食物好快就嚟啦。刺身都好新鮮，對於一個鍾意食蝦刺身嘅人你講淨係蝦刺身都有三種，真係好滿足呀。除咗蝦刺身之外，最鍾意就係左口魚變壽司，左口魚邊唔係間間都有得食，二要特別一讚呢度嘅壽司係好細件，令你可以試多幾款唔同嘅壽司，此外海膽手卷亦都係我嘅最愛，非常迷你，一次過可以食幾件。