海皇粥店 (Closed)

由細到大對海皇粥店既印象係只得粥品同油器。但今日行過荃灣見到佢除左粥品之外，亦有賣咖哩飯同蕃茄湯面，完全顛覆我固有既想法，決定一嚐佢依家既味道。幾欣賞既係份餐牌，有多國語言，方便唔同既旅客一嚐香港既特色。叫左兩碗粥品，比我想像中大碗，賣相都好靚，色彩豐富好吸引。海皇一品粥，配料有雞肉，魚片，肉丸，蟹柳艇皇粥，配料有豬皮，魚片，魚皮，蝦兩碗都好足料，粥底鮮甜，配料可口。再黎幾款小食，XO醬蘿白糕，真心推介。蘿白糕係好軟林林，唔會係又硬又粉果種，兩面煎到金黃特別香口，而且每件都有超多XO醬，少少辣完全帶起左蘿白糕既味！糯米雞真係用原隻雞翼做饀，而且都幾多料，讚！糯米飯索左荷葉既香同d配料既味，而且夠乾身唔會濕立立咁，令成隻糯米雞變得更出色！估唔到海皇多左新搞作之餘，原有既粥品同小食都仲能保持水準！