大本瀛日式放題

Open Now

Now Closed

收工突然好想食放題，於是今次就選左係公司附近位於旺角兆萬中心十樓既大本瀛試一試。首先當然要點刺身食😋，只係蝦都有分四種，估唔到呢到仲有得點泰式生蝦食，我地當然每樣都點來食下。分別有有頭甜蝦，珍寶赤蝦，迷你甜蝦同泰式生蝦，要回本真係唔難。我最鐘意食既係有頭甜蝦，有頭甜蝦都幾大隻，食落好鮮甜，仲好爽好夠凍好新鮮，唔同一般平價放題質素，係放題質素來講絕對係超班。甜蝦就比較細隻，不過味道都一樣鮮甜可口！最重要全部刺身都好夠凍，甜蝦一啖一隻 好快就食左好多隻。珍寶赤蝦通常係壽司上面，就咁食都係第一次，味道也不錯，不過我都係鐘意食甜蝦個種鮮甜多一點。每隻泰式生蝦上面都已經加左小小辣醬，食落好惹味，絕對唔會輸比泰國菜餐廳質素👍🏻壽司可以選擇一口壽司👍🏻細細件就可以試到唔同種類既壽司，都幾多選擇。而且餐廳仲有冬蔭公湯飲，真係唔係間間放題有得點，每次一煲咁上，湯入面好足料，算係幾好飲中意飲辣辣地又熱辣辣既冬蔭公湯朋友就岩哂。飲品選擇方面種類都幾多下，有韓國飲品👍🏻而且最尾仲會有甜品食，整體都好好。