大本瀛日式放題

Open Now

Now Closed

旺角兆萬咁多放題揀，今次就試下呢間大本瀛啦。入到去係好日式嘅格局，暗暗地但幾溫暖。放題紙包羅咗各種類型嘅食物，有成九張咁多，唔洗驚唔啱食。先食個飛天通菜開下胃先，辣辣地帶有蒜味好香口而且夠熱。再嚟炸物叫咗日式帶子，好大件，表面炸得金黃，而內裏唔會過熟而變得鞋口。日本吉烈蠔，隻蠔好鮮甜，唔會因為係炸物而俾次貨出嚟，完全無苦澀味。台式鹽酥花枝丸，花枝丸炸得好香，再配埋鹽酥風味，咸香酥脆嘅表皮，值得一讚。流心芝士年糕，咬落去就真係有流心嘅芝士水溶出嚟，而且仲拉到絲，相當吸引。馬來沙爹燒雞肉串，雞肉嫩口，配埋沙嗲醬味道好濃郁。香葱和牛卷、海膽一口手卷，本來對放題店嘅和牛、海膽無乜期望，畢竟都係任食，但估唔到呢度做到和牛嘅嫩口，而且生生地帶有肉汁，而海膽好鮮，帶有海水味而唔會腥，最後我都返兜叫多咗份。