極尚大喜屋 (加連威老道) (Closed)

前幾日book左5:30同女朋友食尖沙嘴加連威老道間極尚大喜屋放題，呢間食過幾次覺得好正，所以今日放假就來大擦一餐！一坐低己見到兩本食簿等我剔佢！佢本食簿包羅曼有，刺身，壽司，燒物，飲品等，我拿拿淋揀左冷盤刺身，壽司，等左一分鐘左右刺身己到，款式揀得不多，但勝在新鮮，刺身食落去好爽口，我叫左幾轉！火炙壽司有好多特別的款式，松葉蟹膏燒赤蝦，岩鹽鵝肝牛肉等！另外叫埋天婦羅，分別有蝦同蟹柳等，炸到熱辣辣！之後又叫埋燒物：羊架做到好出色，燒到好香，食上去一點也不酥，另外燒芝麻雞翼，鯖魚，蝦，風味淋燒魚乾等等！食左好多肉類，叫左一窩細的帶子蜆肉粥食，食左好暖胃，粥好鮮甜！最後我仲食左好多甜品，今餐食兩個鐘頭真係好滿足，好值得我再去食！