Video
Read full review
2023-02-12
223 views
🌟餐廳：神燈海鮮酒家📍地址：佐敦長樂街14-20號18廣場地下及1樓💰價位：～$100 - $200⏰營業時間：星期一至日 11:30 - 15:00 / 18:00 - 23:00📱電話：2866 6177今日約左爸爸出街撐枱腳，當然陪佢食佢最愛既傳統粵菜既菜式啦我地就揀左位於佐敦既「神燈海鮮酒家」，地點夠哂方便之餘，又可以一試最近大熱既黑松露玻璃燒鵝，即刻去朝聖下先！！———————————————————🔹即燒伊比利亞叉燒皇呢款即燒伊比利亞叉燒皇好出色，用上肉質最鬆軟既梅頭部位，口感一流～餐廳調制既蜜汁同火喉控制都好有水準，上枱時熱辣辣香噴噴，外層焦脆，肉質juicy又嫩滑，真係食到停唔到口！———————————————————🔹黑松露玻璃燒鵝餐廳既主打菜式~黑色外皮既燒鵝夠哂型格，打卡一流！餐廳以黑松露幫鵝身上色， 一上菜已經飄來陣陣黑松露味，正~燒鵝外皮夠薄之餘而且夠哂脆，燒制得相當出色~鵝肉記得要趁熱食，肉質好嫩滑又夠入味，重點係個黑松露酸梅醬搭配燒鵝黎食特別夾，必試！———————————————————🔹糯米炒膏蟹另一主打菜式~原煲糯米炒膏蟹上菜時熱辣辣，香氣十足~餐
📍地址：佐敦長樂街14-20號18廣場地下及1樓
💰價位：～$100 - $200
⏰營業時間：星期一至日 11:30 - 15:00 / 18:00 - 23:00
📱電話：2866 6177
今日約左爸爸出街撐枱腳，當然陪佢食佢最愛既傳統粵菜既菜式啦
我地就揀左位於佐敦既「神燈海鮮酒家」，地點夠哂方便之餘，又可以一試最近大熱既黑松露玻璃燒鵝，即刻去朝聖下先！！
———————————————————🔹即燒伊比利亞叉燒皇
呢款即燒伊比利亞叉燒皇好出色，用上肉質最鬆軟既梅頭部位，口感一流～
餐廳調制既蜜汁同火喉控制都好有水準，上枱時熱辣辣香噴噴，外層焦脆，肉質juicy又嫩滑，真係食到停唔到口！
———————————————————🔹黑松露玻璃燒鵝
餐廳既主打菜式~黑色外皮既燒鵝夠哂型格，打卡一流！
餐廳以黑松露幫鵝身上色， 一上菜已經飄來陣陣黑松露味，正~燒鵝外皮夠薄之餘而且夠哂脆，燒制得相當出色~鵝肉記得要趁熱食，肉質好嫩滑又夠入味，重點係個黑松露酸梅醬搭配燒鵝黎食特別夾，必試！
———————————————————🔹糯米炒膏蟹
另一主打菜式~原煲糯米炒膏蟹上菜時熱辣辣，香氣十足~餐廳以糯米飯做底，砂煲既熱力將底部糯米飯造成飯焦，卜卜脆好惹味~重點係原隻大膏蟹，蟹膏超澎湃，一啖蟹膏一啖糯米飯，大滿足！！
———————————————————🔹紅燒妙齡乳鴿
呢度既燒味樣樣都好出眾~乳鴿炸至外皮香脆，肉身仍保留大量肉汁，啖啖肉！
———————————————————🔹翠塘海皇豆腐
食左咁多肉，係時間食返款豆腐平衡下先~呢款翠塘海皇豆腐蒸得夠哂嫩滑，上層用上蝦、帶子、草菇等煮成芡汁，滋味又健康~
———————————————————🔹牛乳奶凍 及 桂花糕
今餐飯夠哂滿足又飽~最後仲獲送上餐廳自家制甜品！牛乳奶凍奶味夠濃郁而且甜度適中，桂花糕夠哂清甜而且口感一流，有驚喜！
———————————————————😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳主打經典傳統既粵菜，種類選擇繁多~而且菜式份量十足，大大碟食得好滿足~
環境方面，餐廳以傳統中菜菜館裝修，夠古色古香，係呢個環境食飯都幾舒服，好適合帶埋屋企人黎開開心心聚下食餐飯~
Post
