新肥泉海鮮大排檔

Open Now

Now Closed

今天同朋友嚟到位於熟食市場的新肥泉海鮮大排檔,，環境充滿地道港式大排檔風情，氣氛熱鬧，啱晒同朋友暢飲詳談同大嘆美食。 我哋今日食嘅係每位$288嘅小炒兩小時放題，幾十款小炒，煲類任點，我哋食咗好多款嘢食。海鹽香煎雪花和牛（小）和牛外層微脆，肉質嫩滑帶油香，簡單以海鹽調味突出牛味。豉油王新鮮鵝腸鵝腸爽脆，肥膏已全去除，無腥味，豉油醬汁鹹甜適中，仲有銀芽墊底，好爽口。 XO醬爆牛栢葉 以砂鍋上，牛栢葉彈牙有嚼勁，XO醬香辣惹味，搭配爽口嘅萵筍同埋西芹。 可愛BB鴿 乳鴿外皮炸得超香脆，仲有蝦片伴碟。肥泉小炒王 經典大排檔小炒，韭菜花、蝦乾、魷魚鬚、炸銀魚、叉燒絲、腰果等爆炒，好香口。食大排檔點少得飲汽水，呢個放題連汽水飲品都係任飲，好爽。