大家樂 (新都城大廈) (Closed)

見大家樂出咗新嘅鐵板餐，我呢個鋸扒迷梗係要試一試。今次個餐轉左係洋蔥條，其實冇咩好感，但本主是新嘢嘅心態，膽粗粗咁試一試，俾錢時個收銀問要沙律定係要海鮮酥皮湯，我揀咗酥皮湯。去攞餐時發現冇飯嘅？個侍應話：「係呀！而家冇飯㗎 ！」，我即時覺得中咗伏，都係我自己冇睇清楚😭其實啲扒同條腸都係之前咁樣，條洋蔥條真係唔夠攝牙罅，亦都唔係特別出色，反而個海鮮酥皮湯幾好飲，湯夠濃，裏面好足料eg有蜆肉。總結，想要返個飯同杯餐飲，寧願唔要條洋蔥條同個酥皮湯。