大麥牛肉麵 (Closed)

今晚約咗個係大學返學嘅朋友食飯，佢話唔想去咁遠，所以就佢喺香港大學站附近食個飯。佢帶咗我嚟lee間食牛肉麵嘅舖頭。餐廳感覺有啲似家庭式嘅小店，地方唔大，座位唔多。第一次嚟，揀咗個牛肉麵同埋小食試下。睇到門口嘅海報，知道佢哋嘅麵係自家製嘅，所以食落特別煙韌。湯底有啲似台灣牛肉麵嘅味道，有少少辣，味道好濃，啲麵吸收曬湯嘅味道，所以食喺上嚟每一啖都充斥住牛肉湯嘅味道。牛展味道亦好濃，喺香港都好少食到呢個味道嘅牛肉麵。小食就嗌咗個滷水拼盤，有蛋有雞翼，雞翼雖然冇好濃嘅滷水味，但係肉質幾嫩滑。雞蛋仲係有少少流心嗰隻。喺附近返學嘅朋友真係有口福，可以食到咁好味嘅牛肉麵。