興華美食

Open Now

Now Closed

依度係一間只做外賣冇做堂食的小店。由於外表睇落比較一般，所以我地行過左一千次都從來冇幫趁過。終於有一日路過，又見到佢出外都有一條小小的人龍排隊買飯，感覺不會差，於是就試下啦。點知試左第一次，就變左做飯堂，一個星期總會幫趁一兩次！依度午餐只賣N餸飯，店面只係一個外賣窗口，然後就擺左好多款餸俾客人揀，睇岩咩就揀咩，然後送少少涼拌川辣青瓜，加個白飯，送例湯再加紙包飲品，2餸3餸都係30幾蚊，４餸都只係$40，真係抵到爛啦！至於選擇，都係一Ｄ家常小菜，唔太油同太多味精。我最中意依間野就係每日除左肉類，都會有幾種炒菜揀。要知道返工出去食lunch，食肉比食到菜容易，仲要唔係沙律，要熱食嘅菜，就更唔係成日都有。而且依間小店的阿姐夾餸非常慷慨，所以次次都會俾餸到會俾到大大盒。好似今日我心多多，揀左4個餸，分別係炆齋菜、炒紹菜、椒鹽豬排同蘿蔔炆牛腩，再送少少青瓜，就成5個餸，是非常豐富的一餐了。