興華美食

Open Now

Now Closed

狗奴才放飯期間 去工廠散下步先見到有間兩餸飯 糧尾恩物呀！九龍灣附近閒閒地都五六十蚊落樓竟然俾我見到33蚊兩餸飯即刻仆倒埋去睇下有咩餸嘩 有椒鹽豬扒呀 唔駛諗狗奴才平時有咁多野做 又要諗咁多野大食少少 食油少少 完全合情合理行到埋去姐姐就已經問我使唔使多飯夠唔夠飯呢個姐姐要加分呀下 識野 知我咩料我眼見出爐冇耐 d 豬排咁靚仔 膽粗粗咁問姐姐 可唔可以兩個餸都係豬扒姐姐答緊係得啦！ 送d小菜青瓜俾你食都得呀趕時間番去監倉開飯 冇時間睇佢俾左幾多呀一睇嘩嘩嘩 33蚊超值啦仲有野飲同埋個湯滋潤下

依度係一間只做外賣冇做堂食的小店。由於外表睇落比較一般，所以我地行過左一千次都從來冇幫趁過。終於有一日路過，又見到佢出外都有一條小小的人龍排隊買飯，感覺不會差，於是就試下啦。點知試左第一次，就變左做飯堂，一個星期總會幫趁一兩次！依度午餐只賣N餸飯，店面只係一個外賣窗口，然後就擺左好多款餸俾客人揀，睇岩咩就揀咩，然後送少少涼拌川辣青瓜，加個白飯，送例湯再加紙包飲品，2餸3餸都係30幾蚊，４餸都只係$40，真係抵到爛啦！至於選擇，都係一Ｄ家常小菜，唔太油同太多味精。我最中意依間野就係每日除左肉類，都會有幾種炒菜揀。要知道返工出去食lunch，食肉比食到菜容易，仲要唔係沙律，要熱食嘅菜，就更唔係成日都有。而且依間小店的阿姐夾餸非常慷慨，所以次次都會俾餸到會俾到大大盒。好似今日我心多多，揀左4個餸，分別係炆齋菜、炒紹菜、椒鹽豬排同蘿蔔炆牛腩，再送少少青瓜，就成5個餸，是非常豐富的一餐了。

每日經過都見到有不少人在【興華美食】買早餐，今日到我試下。早餐選擇好多，在考慮途中阿姐不停問我……就隨便叫個燒賣魚蛋。$19 有燒賣、魚蛋 (各五粒)及熱飲，都叫抵食。攞到公司立即開動。燒賣魚蛋用紙包裝比較環保。OK便利店的燒賣魚蛋稱得上難食，今日竟然遇上比OK更加難得的燒賣魚蛋。這個燒賣魚蓉味道怪怪，口感好似泥膠，燒賣外皮又乾又硬。魚蛋更加難食，味道怪怪又腥臭又有雪味，食左兩粒感覺生命受到威脅……都係放棄……