潮苑餐廳 (Closed)

今晚係西環開OT，要到11點幾先可以食晚餐，好多店舖都收左，唸住搭地鐵番屋企煮個麵食。去到屈地街見到間潮苑餐廳仲開緊，就入去食。佢有宵夜餐食，但係我太肚餓，所以決定叫個雞扒鐵板餐配蒜蓉汁跟意粉薯菜，送埋羅宋湯，都係HKD 67。 個羅宋湯略為偏辣同稀，同埋偏油一點。個雞扒鐵板餐有3大塊雞扒，熱辣辣同啖啖肉，仲有西蘭花栗米粒薯條做配菜，但跟既意粉就略為偏凍，不過都算大碟。 個人認為味道雖然一般，但整體黎講都係抵食既。餐飲就叫左熱華田，味道不過不失啦。