家傳滬曉 (Closed)

又到左中午食飯時間，由於今日我同阿爸都請左假，所以去食下平日午餐，食平啲，因為好多餐廳假日會收起午餐，會貴左。是日選擇呢間，因為想食上海粗炒，入到去見午餐menu有回鍋肉粗炒，即時叫左個試下，另外我亦叫左個雲吞擔擔麵，因為係午餐，所以送左4隻小籠包。雲吞麵到先，擔擔麵少少辣，好香花生醬味，有啲好似櫻花蝦同菜圃，每人半碗剛好，食晒成碗就會膩，雲吞皮唔厚，入面仲有肉汁，幾好。之後就係回鍋肉粗炒，呢到粗炒一向出色，加埋回鍋肉更野味，不過今次啲椰菜生左啲，太硬，熟啲淋啲會好啲。最後就係小籠包，雖然皮比較厚，但肉汁幾多，跟餐送的算係咁。以每人$80，質素算幾好，抵食。