滿屋日本料理 (大埔超級城C區)

Open Now

Now Closed

想食放題唔一定要出去旺角嘅，陣間搭咗紅Van去咗無人之境點算🤪喺大埔超級城呢個迷宮入邊，已經有一間滿足到你食日本嘢慾望嘅放題店😆間嘢雖然舖頭唔係好大，但係都容納到十幾台客👌一入門口先有一系列嘅冷盤，同埋甜品櫃任君選擇。另外仲有清酒任飲，飲品選擇算係好多元化，我特別欣賞嘅係有朱古力奶，同埋有氣利賓納！真係唔係到到放題都有㗎👍嘢食方面呢，當然唔少得刺身啦，雖然A餐選擇唔算多，但係都還可以啊。其實魚生食來食去最多人揀都係嗰幾種啫，最緊要係新鮮。另外嗰啲熟食雜物都OK 㗎，全部都係即叫即炸，唔會放到凍哂硬掘掘。牛油粟米幾好食，仲有羊架都唔錯。最後仲有一人一杯Häagen-Dazs雪糕完美作結😋