阿三大牌檔

Open Now

Now Closed

阿三係大埔友表示中意既地方，個份量大，因為係有冷氣既大排檔，同埋見乾淨光猛，同埋主要因為店員比較nice。（之前有去過其他食唔太開心）麻香海蜇手撕雞，個底鋪咗青瓜絲，手撕雞個量比較多，同埋有咬口既海蜇，麻香比較重，撈埋青瓜絲食岩岩好，食完有凍感！脆皮咕嚕肉：同以往咕嚕肉唔同，呢個個外層係脆皮，入面係厚身有肉感，外脆內軟，口感好好，配埋菠蘿、彩椒，好好送飯！沙拉蝦球：蝦係冷藏貨但粒粒都大同爽口，跟埋沙拉醬酸酸地幾開胃。醬燒茄子：呢道幾驚喜，份量大到傻。平平無奇既茄子係廚師既加持下，出到外皮有天婦羅既質感，入面有軟林林，食到茄子本身既自然甜味。出面個汁係普通燒汁，但有日式既炸法，成件事好fushion!下次多人少少再食埋鮮尤+煲仔菜😍大埔人表示其他區好遠，其實區內近近地有好野食唔出門都幾好。