喫茶ちょうぼ

Open Now

Now Closed

同媽媽慶祝母親節，擇左呢間係大埔超級城成日都好多人排隊嘅日式coffee shop，母親節真係好多人，等咗半個鐘頭先入座。餐牌價錢幾相宜，又多選擇，難怪咁多人排隊。.我地3個人叫左「咖哩牛肋肉蛋包飯 $88」蛋包飯打卡一流，流心蛋包切開配蕃茄洋蔥紅蘿蔔炒飯，口感清新，蛋味濃。「玉子蟹肉炒烏冬 $92」，蟹肉唔會太碎，仲好多份量下，撈埋玉子同埋醬汁一齊食好juicy。.「炸北海道大蝦配四元豚豬排 $188」呢個真心好出色，副有日本特色，北海道大蝦又大隻又爽口，同一般既蝦完全無得比，四元豚豬排好香日本豬味，炸完都覺得好滑。.記得要order個厚多士，厚多士既「岩燒芝士多士 $68」搽左牛油焗一焗，面層加上岩燒芝士，邪惡又好味。「小倉紅豆·牛油多士 $65」紅豆偏甜，但日本紅豆🫘係好彈牙又口感好，甜甜地配多士好唔錯。.媽咪最鍾意杯飲品，岩晒打卡又好味、「凍榛子鮮奶咖啡 $42」咖啡味濃，只係略嫌細杯咗少少；「凍焙茶牛乳 $45」焙茶好香濃，完全冇咩苦澀味。