睿和牛燒肉 (Closed)

大坑餐廳愈開愈多，普遍以居酒屋同燒肉為主。之前趕得到停晚市前嚟到 「睿和牛燒肉」，個人認為燒肉都係夜晚食會特別好味，如果唔係全身燒肉味周圍走！而臨近晚市重開係時間出下 post 介紹吓😅 私穩度算高，轉角位唔算太難搵，因為同姐妹店「睿居酒屋」相連，點燒肉時如果啱心水亦都可以點埋壽司同和食等。➽ 前菜 - 點咗 鱈魚魚干 、漬枝豆，加多個凍日本高糖蕃茄配柚子汁，皆為佐酒小食，非常開胃，配返杯冰凍 Sake 真係人生一大樂事。➽ 再嚟 軍艦 & 壽司三貫盛合: 刺身有 牡丹蝦、帶子、海膽；壽司有 三文魚籽、中拖羅蓉、蟹膏蟹肉，整體都算幾好食 😋，食材係新鮮嘅，中拖羅蓉脂肪高，魚油脂特別甘香，係系列當中個人比較喜歡之一！➽ 到燒肉環節， 一個精選和牛黑豚肉盛合可以解決我嘅選擇困難症，嚟自鹿兒島嘅和牛，色澤偏紅潤，肉質幾鮮嫰。脂肪分佈平均就基本野，當然散叫有散叫嘅滿足，而盛合好處係一次過可以食幾個唔同位置，有和牛三角嫩肉 // 和牛嫩肋眼上蓋 // 和牛牛排肉 // 黑豚上五花腩 // 黑豚肉眼 // 厚切牛舌。和牛牛脂咁豐富，用嚟佐飯真係唔錯，仲會減少油膩感👍🏻！