肉餅哥小炒料理 (Closed)

知道肉餅哥係大圍開分店，即刻跑去試一試， 不負所望，地方比起總店大很多， 相當舒適。環境走工業風，泥水牆身，木枱鐵凳， 型格。牆身上的“不准吸煙” ，令我想起細個嘅時候睇戲嗰句（奉政府籲戲院內嚴禁吸煙）。餐牌大致上同荃灣總店差不多，多咗啲特別嘅菜式 ，例如原隻龍蝦南瓜粥，秘'製足料雞腳湯，可惜試業期間，仍然未有得賣 。我點了一份蟹粉煎肉餅，仍然做到外面開出香脆，內裏嫩滑嘅肉餅口感。 蟹粉分量不少，能帶出豬肉鮮味。99蚊連可樂。朋友第一次食肉餅哥，點了老乾媽蒸肉餅，同樣讚不絕口。