沙田新強記燒鵝海鮮酒家

Open Now

Now Closed

新強記今日放假，同老婆阿仔去大圍地標新強記飲茶，貪地方夠大，食物抵食，味道好，服務周到。但估唔到平日都爆場，好彩等一陣就有位。咁就帶大家睇下今次叫左咩食先。瑤柱蛋白炒飯（迷你）：雖然係迷你，但份量都好足，而且粒粒分明，好有鑊氣。蟹子燒賣皇：粒燒賣超級大粒，算係巨型size，內裡好足料，，蝦都好鮮味。山竹牛肉球：唔知點鮮出面食唔番咁足料，又唔粉既牛肉球，咬落去好有肉汁，好飽滿。古法千層糕： 依款奶皇千層糕真係冇咩地方有得食，唔知係米做法複雜，內餡除左奶黃，仲有椰絲/瓜子，有味道之餘又有口感。流心奶黃包：一咬落去爆晒d流心餡出黎，唔會太甜，而且個包好軟熟。胡椒咸菜豬肚湯：估唔到係成煲咁上，好大煲，又足料，冬天飲一流。Ps:其實佢地最馳名仲有雞粥/乳鴿/燒鵝，只係我地冇咁大個胃食埋。