Kam Shing Restaurant

大圍出左名多美食，金城茶餐廳係其中一間大圍名物，由細食到大。金城名物係椒鹽豬扒飯、生煎肉餅飯同佢既辣菜甫，今次食左椒鹽豬扒飯、焗芝士豬扒飯同乾炒牛河。


✨🐖 | 椒鹽豬扒飯 ($64)
豬扒乾身又夠椒鹽味，但識食一定要叫多料頭，會令到豬扒更加juicy同惹味。食之前將豬扒同白飯撈勻，建議再加一匙金城既秘製辣菜甫(為左呢個去咋🤭)，啖啖飯都夠晒味，很好。

1

椒鹽豬扒飯

$64

🧀 🐖 | 焗芝士豬扒飯 ($77)
同期望有落差，唔知係咪舊式既焗飯…5分鐘都唔夠就上枱，好似無焗過咁，見唔到食唔出芝士，同鮮茄豬扒飯炒底無分別，不過豬扒茄汁同炒飯呢個組合係無得輸既。

焗芝士豬扒飯

$77

🐄 | 乾炒牛河 ($64)
呢個乾炒牛河炒得好濕，成個底都係汁，完全唔乾身，係另類既濕炒牛河。

乾炒牛河

$64

總括黎講，去金城食佢既招牌菜好啦，叫其他野真係要諗諗🫣

p.s. 同餐廳反映，佢仲要比返碟人地食淨既濕炒粉比你睇，話你知咩先係真正既濕炒🤷🏻