愛文生

Open Now

Now Closed

出色大排檔-沙薑雞半隻 ($100)勁出色既沙薑雞阿！一上枱係仲冒緊煙，口水已經流晒出黎👅💦，梗係啦而家仲熱既斬雞已經買少見少。沙薑味道唔算太重，但夠香！件件雞都連雞皮，肉質嫩滑，咬落去仲有雞油架🙌🏻，叔叔不行了，自己食左三分一😂，下次肯肯定會再戰。-金牌炸大腸 ($98)雖然係炸大腸，但唔算好油，咬落口好脆身👍🏻，點少少附送既醬汁就岩岩好。-金菇肥牛粉絲煲 ($88)煲類既選擇亦都頗多，點左個金菇肥牛煲，同樣地熱辣辣上枱🔥。金菇份量極多，反而肥牛就少左啲，不過個汁搭夠，撈飯一流🍚！-椒鹽炸豆腐 ($68)炸豆腐配青島是基本吧🙌🏻。椒鹽味道都頗重，炸得香口，送酒岩晒🍻。