YAKINIKU KAKURA (元點)

Open Now

Now Closed

同事生日選擇去食日式燒肉，店員安排窗邊座位相當開揚，日式燒肉以多種牛肉為主，午餐時段有套餐選擇。✨✨黑毛和牛大判燒拼美國牛板腱肉🐃🐃大判燒係和牛西冷油脂豐富，味道同口感都係頂級，店員會協助燒肉，自己動手亦得。✨✨KAKURA燒肉盛盒🐷🐄🐔雞腿肉無太多脂肪雞肉味濃，牛胸腹脂肪比例亦較少肉味亦濃，黑毛豚無骨小排一層一層大火燒出油脂香氣滿滿。✨✨海鮮盛盒🦐🦑🐚牛油帆立貝、烏賊、海老都好新鮮，店員特意提醒海蝦為刺身級，猛火快燒外層焦香，蝦肉半熟特別鮮甜。餐廳係主打較主質燒肉，除咗招牌大判燒係必食，其他食物都相對優質。Ps:午市套餐有沙律、小食、餐飲，可加錢轉特飲，餐後有甜品雪糕糯米糍及杏仁豆腐都好好食。