萬發海鮮火鍋菜館

Open Now

Now Closed

以前食呢間嘢，覺得好好食又夠鑊氣。但係今日同班舊同事麻甩之夜實在相當失望。首先前菜個豬手，我覺得似煲湯豬手點豉油。個椒鹽魷魚鬚粉薄肉厚但無味。個薑蔥蠔，啲味完全入唔到隻蠔裏邊，好清楚食到出邊層漿粉有味裏面隻蠔無鮮味。個羊腩煲真係唔想講，自己炆嘅話都有層次過佢。個蒜蓉開邊蝦$28両，很相個度係一斤woo~啲肉都仲有少少梅，俾呢啲貨色，佢真係賺得好盡。小炒王啲腰果係Lam嘅，可能喺廚房做咗吸濕大笨象好耐。個炸大腸，唔知係咪想僻味，個底味醃到死喊。燒腩仔啲皮好似隔夜咁淋，同埋肥膏多個肉，唔好話我屈睇相就見到。比較正常少少係最後叫個麻辣脆豆腐同埋青島啤酒。啲質素咁差都全場爆滿，可唔可以話俾我聽呢間野吸引力喺邊度？仲要個啲冷氣開到好似雪房咁凍，我真係戥你老細條電費數擔心。