Flames (黃埔天地)

Open Now

Now Closed

疫情有點緩和，所以約了朋友吃晚飯，這間店之前疫情嚴重時去過觀塘店外賣過，覺得食物質素唔錯，得知他們在黃埔開了一間分店，又見屯馬線開了，不曾試過經屯馬線轉線去黃埔，所以今次就趁機會來這裡吃好西！這裡地方不算細，雖然我們食六點半，但裡面都已經有很多食客，可想言知這間店都頗受歡迎，這裡的環境同觀塘店有點分別，觀塘店比較多人客飲酒吹水，這裡就反而食晚飯居多，兩種不同風格，今晚很開胃，不計友人的，自己都叫了一個沙律和一客扁意粉。煙三文魚凱薩沙律，一上枱已經覺得很大碟，裡面有很多菜，當然唔少得既係煙三文魚啦，煙三文魚都大大塊，睇黎都算幾落本，味道都唔錯，菜很新鮮爽脆，加上煙三文魚和芝士碎一起吃，口感豐富，淨係食這個沙律已經半飽了。跟著就係主菜出場，我今日就叫了一個紅酒燴牛面肉草菇扁意粉，用紅酒燴牛面肉，令肉質鬆軟，仲可以令牛面肉的肉味昇華，牛面肉很軟腍，份量又多，仲每舊都大大舊的。扁意粉都做得很好，有彈口，份量也很多，最後都係食唔晒碟扁意粉，真的很豐富和滿足。下次再來一定要試下這裡的牛扒！