Fûhn (The L. Square) (Closed)

今次呢間餐廳係朋友搵嘅～地點就腳 不過要注意嘅係有時要等lift 我哋四個女仔今日都好肚餓 叫咗超多嘢有牛油雞翼 芒果蝦米卷 鹹蛋黃薯條 炸蝦餅 雞扒撈檬粉 牛油果軟殼蟹沙律 仲有鵝肝三文治每一樣野都幾好食 比較推介嘅係個牛油果沙律 份量好多 有兩隻軟殼蟹 成個牛油果 手打炸蝦餅都好好食～好彈牙不過好多人推介嘅鹹蛋黃薯條我就覺得麻麻 冇乜鹹蛋味 同埋有啲淋鵝肝三文治有好多鵝肝醬 再放咗啲越式扎肉嘅肉片 幾特別有fusion嘅感覺朋友叫咗牛油果奶昔 佢話好好飲 不過睇落有啲Heavy😅 我叫咗碟豆花特飲 好清新 顏色超夢幻 今餐叫嘅炸嘢都幾多 好彩每樣都唔算太油膩性價比OK👍🏾