牛県

Open Now

Now Closed

日忙夜忙，好耐都冇食好野，所以經過朋友既介紹後，我地就黎到荃灣食一間好味既石板燒。餐廳既環境很有特色，牆上寫上牛唔同部位的口感，各自既優點，等客人可以揀揀自己口味既部位。我地揀左兩個set,前菜我地揀左味噌湯同沙律配白飯或薯菜。為左盡量試每一道菜，我地各樣選一份。沙律新鮮，飯都用左珍珠米同加左飯素，有誠意！首先上枱既，就係牛側腹扒。牛側腹扒輕輕係石板上燒後，肉的表皮呈現出深啡色。牛的肉質較為結實，有口感，亦同時帶有較香濃的牛肉味，非常適合鐘意重牛味的食家。其次，就係上腰西冷。西冷平時就食得多，但係要食到肥瘦均勻，呢到就能夠滿足到你。由於牛肉肥瘦均勻，口感比牛側腹較為豐富，亦同時帶有小小入口即溶既感覺，非常惹味。所有牛都有兩款醬比你揀，有阿根廷青醬同紅酒牛肉汁，建議兩者都試下，因為都同牛扒好夾！整體黎講，食物既質素非常好，值得大家一試。但由於位置離地鐵站較遠，有booking既朋友記得預早出發。