玉桃軒酒家 (鱷魚恤中心)

Open Now

Now Closed

同長輩晚餐要揀一間小菜得體嘅酒樓，朋友介紹去觀塘呢間玉桃軒，話片皮鴨出色，叔今晚就嚟征服一隻片皮鴨!片皮鴨$208唔算貴，加72蚊有二食。小菜大約100蚊一款。片皮鴨好快有得上枱，燒得好平均，好肥美。片肉的侍應手起刀落，快狠準! 有全皮，有半皮半肉嘅片皮鴨上枱，配海鮮醬，青瓜，蔥絲，皮蒸熱左，又滑又煙韌，包埋一舊食無得頂。花枝炒珊瑚蚌，夠鑊氣，花枝珊瑚蚌都鮮甜彈牙，不錯。二食薑蔥炒鴨件，鴨件無乜肉，但大蔥炒得好香，下飯佳品。每人大約二百蚊，環境舒適，片皮鴨有質素，係同長輩飯聚嘅好選擇。