中華小館

Open Now

Now Closed

今日家人出咗去食飯，去咗灣仔一間食中菜嘅餐廳，餐廳個名叫《中華小館》，聽個名就知係食中菜。入到去地方好闊落，餐廳掛咗好多畫，同埋書法喺度。食物都非常出色。👍醬烤欖角骨，排骨佈滿左一層濃郁厚嘅醬汁，面頭加咗切碎嘅欖角，味道非常好食。而且排骨充滿肉汁同油脂，食落口齒夾留香。👍雙椒糖心皮蛋，糖心皮蛋，正呀！呈膏狀的蛋黃味道濃郁，配上晶瑩剔透嘅黑色蛋白，賣相非常吸引。配埋支味十足嘅雙椒一齊食，非常有風味！👍三色蝦球，同一到菜式，有三種口味，非常有創意。三色分別係咕嚕醬汁，沙律醬汁和蜜糖芥末醬汁，味道酸酸甜甜，非常開胃。👍燒味雙拼，雙拼叫咗燒肉和叉燒，燒肉外皮趣卜卜非常香口，肉嘅比例同又知比例非常好，非常好食。叉燒甜甜地，小朋友食到停唔到口。👍惹味小炒皇，呢個小炒王入邊有好多材料，有蝦，魷魚，韭菜，銀魚乾和腰果，未到鹹鹹香香，用嚟送飯一流。