LPM Restaurant & Bar

Open Now

Now Closed

鼎食聚餐每位$588，朋友想來，襯我生日揀此處。氣氛包括燈光，裝修-白色主調，白恤衫黑呔侍應，白枱布，小枱燈，音樂，光亮餐具等，高级法式高級餐廳樣版。蠢咗，枱面蕃茄加檸檬汁係前菜，以為假，裝飾，無食，後其看到有客人切開蕃茄生食。一名侍應拿住個籃負責派麵包，派完走去別枱， 選一片法式麥包，略靱，之後再選簡單法包，very good，軟香。前菜， 燒粟米石榴籽香草沙律，燒過粟米甜香加石榴籽甜，口感清新而複雜。和牛肉他他，嫩，入口溶化，夾雜脆絲，加特別醬燒牛骨蛋黄醬， 鵪鶉蛋，添美增香，滿足味蕾。青檸汁 橄欖油浸蝦， 開邊熟蝦，蝦味濃， 橄欖油香，青檸汁解腻，擺盤簡單而美。燒烤名種豬， 唔知邊個部位， 五成熟， 厚身切開一片片， 肥瘦均勻像厚切豬頸肉， 嫩滑又有質感，焦香惹味， 加咗個阿根廷新鮮青醬- 洋蔥香草 橄欖油，熱情中帶温柔。蜆肉半殼粉，香草湯，粉煙靱，整體合格，無特出。燒春雞， 始終法國春雞我都唔覺得好食，一如既往，有燒烤香，肉鞋，凍肉質。忌廉薯塊配菜， 大量忌廉奶奶， 一pat pat，膩， 香草焗薯仔咪好囉！雲呢拿雪糕焦糖燉蛋，蠢，二人量，一般及格，如點3件法式多士雪糕底的，好