Video
Read full review
2004-10-03
18 views
睇番先知原來之前有關此店既食評落錯地方，不過既然相隔咁耐亦費事搞。星期四公司超級大地震，連同四位大粒人仕合共五人忽然人間蒸化，雖然震唔到我，但聞者心情都唔會好得去邊。既然己成事實，同女友決定食番餐勁，實行今朝有酒今朝醉。過往路過都見店內店外皆人頭湧湧，但礙於坐得唔好，女友係打死都唔肯試，不過今晚見朕意己決女友亦不再大搞對抗了。先來一客燒雞肝($6)，由於本人愛吃內臟，加上此店燒得惹味，滿意。生蝦剌身($35)一客有十件配上綠色醬料，相比起金寶既$70同樣得十件，此處真係抵食得多。剌身蝦夠凍外肉又厚又爽，比隆姐和籽苗葉既勝一籌，唯一可惜係蝦頭不知所。椰汁雞湯($30)一客分得四小碗，屬二人份量。外表白雪雪，椰汁味香濃，幾潤，加上湯內有大量磨菇雞肉，令人飲過番尋味。海鮮濕炒河($30)濕得好緊要，海鮮有蝦、青口、墨魚丸等，材料屬其次，主要在於師傅炒得夠鑊氣，汁醬雖多但又出奇地岩口味，同女友一致讚好。火車頭炒飯($30)為何物大家都不得而知，相信係雜錦炒飯之類，配料己經忘記了，但記憶中係鑊氣夠，女友則嫌飯炒得過火。辣羔炒大蜆($50) 係壓軸菜式，等到頸都長。不過幸好無令人失望，蜆肉肥得有點
星期四公司超級大地震，連同四位大粒人仕合共五人忽然人間蒸化，雖然震唔到我，但聞者心情都唔會好得去邊。既然己成事實，同女友決定食番餐勁，實行今朝有酒今朝醉。過往路過都見店內店外皆人頭湧湧，但礙於坐得唔好，女友係打死都唔肯試，不過今晚見朕意己決女友亦不再大搞對抗了。
先來一客燒雞肝($6)，由於本人愛吃內臟，加上此店燒得惹味，滿意。生蝦剌身($35)一客有十件配上綠色醬料，相比起金寶既$70同樣得十件，此處真係抵食得多。剌身蝦夠凍外肉又厚又爽，比隆姐和籽苗葉既勝一籌，唯一可惜係蝦頭不知所。
椰汁雞湯($30)一客分得四小碗，屬二人份量。外表白雪雪，椰汁味香濃，幾潤，加上湯內有大量磨菇雞肉，令人飲過番尋味。
海鮮濕炒河($30)濕得好緊要，海鮮有蝦、青口、墨魚丸等，材料屬其次，主要在於師傅炒得夠鑊氣，汁醬雖多
但又出奇地岩口味，同女友一致讚好。
火車頭炒飯($30)為何物大家都不得而知，相信係雜錦炒飯之類，配料己經忘記了，但記憶中係鑊氣夠，女友則嫌飯炒得過火。
辣羔炒大蜆($50) 係壓軸菜式，等到頸都長。不過幸好無令人失望，蜆肉肥得有點兒過份，其中數粒比蠔更大，再飽亦要將整碟拍入口了；雖稱之為辣羔炒蜆，但其實不太辣，只屬惹味程度，不嗜辣者大可放心。
菜係燒得好，但上菜時間相距實在太耐了，代表作乃order後一小時才來既炒蜆，不過見廚房內只得一位師傅搏命炒菜，店內店外卻坐滿人，實在又無咩好講。
埋單連一枝啤酒跟椰青合$200，貴只因叫得太多，下次一定要嚴格控制一下叫菜份量。
送完女友番家後，在巴士上回想起今日公司幾位上司遇到既命運，一切就好似發夢一樣，不能夠相信係事實。
Post