文記車仔麵 (福榮街)

Open Now

Now Closed

本身好少寫食評，但都要評論一下，今日下午約三點到達，不用排隊，店內人亦唔多，可隨意選位而坐，叫了三餸麵，豬腸，豬皮，魷魚，朋友都係叫了三餸麵，我見職員沒有落葱花，此時諗住自已去落，點知比個員工大聲喝罵，叫我唔可以自己落，其實在戶客角度去看，做乜要咁大聲呢？態度惡劣，當時其實已經下午三點，唔多人，但員工還是口黑面黑，好似欠佢錢咁，我想像唔到，如果係繁忙時間的情況如何？言歸正傳，粗麵淥得唔夠時間比較硬，朋友食油麵就好少少，餸方面份量係足夠嘅，唔孤寒，但豬腸有陣壓味，麻麻地，豬皮算合格，但質素唔平均，因為有部份入晒味，有部份好明顯新滷唔淋未夠入味，魷魚較細條，剪得比較細粒，一般般，湯頭尚可，其實成碗麵反而辣先係𩆜魂，個人認為名大於實，兩琬麵盛惠$106 以這價錢，質素同服務態度，絕對不值，基本上一次就夠

今日同媽咪專登去食車仔麵，一人一碗，過下口癮。整體而言，食物質素係有驚喜嘅！最值得讚係碗中嘅**豬粉腸**，真係要俾個Like！**新鮮爽口**不在話下，最重要係**處理得非常乾淨**，完全冇任何異味，食落去安心又滿足。其他自選嘅餸菜，無論係蘿蔔、豬皮定魚蛋，水準都**幾好食**，煮得入味，食材揀得唔馬虎。不過，講到價錢，就覺得**少少偏貴**咗啲。以車仔麵嚟講，性價比可以再高少少就完美喇。另外，有兩個位扣咗分：首先係對**筷子真係好難用**！夾極都夾唔穩啲麵同餸，食到有啲論盡同沮喪。其次係**食嘢嘅地方冷氣唔多夠**，尤其今日咁熱，坐耐少少就開始覺得侷促流汗，影響咗慢慢歎嘅心情。總結：餸靚、粉腸正，係碗好味嘅車仔麵，但環境舒適度同埋價錢就有改善空間。希望店家留意下餐具同冷氣啦！

今日收工黎到文記叫左外賣都第二次食了 好味既第一次叫果陣意外地好食～ 成日以為米芝蓮吹大左～原來都幾好食～拎外賣係門口有個位擺左外賣拎 體驗好好～今次好撚差～ 服務方面～ 睇到網有號碼了可以拎了～ 我已經一手拎撚住啲野 背囊一大個～ 問個姐姐指我入去拎～ 我睇住條’木人巷‘ 已經呆左 佢左邊一排客人 右邊一排客人～ 好撚戇居咁叫我入去拎～ 條巷本身已經唔寛 仲要叫人入去拎～ 我再同個阿姐示意多次拎外賣 我再指多次我入去～好撚戇居我背囊撞一撞到人地個頭都唔知點解話～ 入去拎完行出來又一難度～ 好撚心間店企住幾個阿姐阿哥就係門口同拎外賣既交收啦～ 好撚差呢樣野～

我係特登走過嚟呢度食車仔麵㗎，派咗10分鐘到就到我啦。叫咗牛腩，蘿蔔，冬菇，河粉，仲加咗個嘢飲，自家製凍龍眼蜜。要排隊叫完嘢俾完錢，有個侍應會帶你去佢認為嗰張枱度放低嘢叫你喺嗰度食。收銀態度真係麻麻，想要其他醬就咁求其俾咗一個辣醬我。呀姐姐雪櫃搵唔到，然後冇交帶一聲，人就唔知去咗邊，要再問先去定我度攞嚟。唔係以前食開好滑嗰啲河粉

ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ✨ 招牌瑞士雞翼 $39 / 5隻呢個係每次嚟都一定會叫！味道偏甜而且非常入味😋✨自選車仔麵✨流心鹵水蛋 $12店舖保證採用日本頂級雞蛋🥚，食到香濃蛋黃味😍✨玻璃辣魷魚 $16 冇乜辣味，但係非常爽脆🦑✨蘿蔔 $11 好清甜而且唔會有渣🤤✨腩汁湯底又濃又香甜，好鐘意佢個湯底❤️ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ ᗦ↞◃ 📍 文記車仔麵 深水埗福榮街121號地舖

長期都排長龍, 食左好多年都係每次黎深水埗必定食既車仔麵🤤瑞士雞翼, 豬腸, 韭菜餃都係必點 ! 瑞士汁真係好好食！瑞士雞翼✨大大隻仲要又嫩又入味 豬腸✨又係大大舊, 彈牙唔會有怪味韭菜餃✨肉同菜既比例均勻, 皮薄餡多👍🏻

玻璃魷魚，瑞士雞翼，生根，豬腸，豬紅，米粉配上秘製辣醬 加少少菜譜幾年前由佢第一間食到去最尾嗰間由街頭排到街尾👍🏻👍🏻湯底好濃😋😋第一次飲佢嘅冬瓜茶👏🏻👏🏻

真係好耐冇食車仔麵🥲幫襯完公和豆腐花見仲口痕就排隊食埋車仔麵😂- 玻璃辣魷魚+ 酸齋 + 油麵有羹辣汁我覺得少少都好夠辣 (本身唔食得辣🙊） 魷魚入味 好鍾意車仔麵要酸齋 又酸又辣 好爽🤤配油麵最吸味- 花膠 + 牛孖根 + 油麵朋友揀嘅 佢要咗腩汁唔辣 我冇食到就唔評論🫢如果唔洗排咁耐隊 間唔中都會想食下嘅 因為佢啲餸同湯底都唔錯

又係去到唔知食乜嘢嘅時候，喺尖沙咀揸車到深水埗搵車位，泊好車之後就喺文記車仔麵附近，平時條人龍要排到喜喜美食，今日眼見冇人排隊，所以決定食車仔麵，叫咗個三餸車仔麵，雞翼魷魚豬皮油麵，叫完之後就喺隔離鋪等姐姐拎嚟，大約1分鐘左右送到過嚟，油麵口感好滑，雞翼又好嫩又入味，魷魚反而麻麻哋，豬皮亦都好入味，整體嚟講味道算好好，難怪平時咁多人嚟幫襯，不過嚟呢度食車仔麵，都要睇時勢，如果太多人排隊就免了，因為太多人會好迫同埋點餐會等得耐。

平時在深水埗午飯一定去食車仔麵, 首選一定是任你點這間舖, 但非常可惜做不住,已關門大吉. 唯有嘗試別一間文記車仔麵. 這間店舖也應是很出名的.兩個人去食, 叫了一份魚蛋豬皮蘿蔔, 豬皮入味但魚蛋便非常細粒,又不彈牙,蘿蔔都ok,但要45元！別一碗車仔麵,便點了粗麵,牛腩和花膠.牛腩偏甜(應加了很多糖）,花膠也是碎碎的,普普通通. 另一碗便叫了河粉,加仙腐竹和花膠.兩碗都是小辣.感覺上覺得,味精很重, 比較濃烈, 欠缺一些食物的鮮味,落了太多調味料. 相對下, 我覺得任你點另一間車仔麵舖, 我比較喜歡.不過又是見仁見智, 各人口味不同. 兩個人食也要$128. 可以啦.

深水埗呢間車仔麵不嬲出咗名多人，因為佢有好多唔同材料上嘅選擇，雖然價錢唔係好平，但係都吸引到好多唔同嘅遊客同埋本地人食。我今日就揀咗五個餸，再另外加粗麵，成份加埋就係$84，甜酸齋恰到好處，酸酸甜甜，咁非常開胃，而且味道都好好食，值得推介，另外加咗辣嘅東風螺，每一粒煙煙韌韌，再加埋辣醬非常好食味道恰到好處，豬紅亦都好食，非常新鮮！最後仲加咗我最鍾意嘅豬大腸，豬大腸食得出用了非常新鮮，而且喺處理嘅過程中亦都非常清潔，冇任何奇怪味道，成碗車仔麵都非常好！再加埋餐廳特別炮製嘅辣醬，perfect

去完均香買角仔，當然就要食埋深水埗嘅名物 - 文記車仔麵啦！哈哈。。。不過我都係第一次食。。。🤣🤣🤣由於已過午飯時間，所以唔駛等位，再加上原來呢間舖用電子結帳是可以唔駛好似隔壁的兩個舖頭要排隊的。。。只要有位。。。😁😁😁我叫咗豬腸，魚蛋，蘿蔔，魷魚米,少辣加凍檸檬茶。。。車仔麵味道尚算不錯。。。蘿蔔夠甜。。。豬腸就肥咗 d....魷魚就麻麻。。。不入味。。。魚蛋都夠彈牙！總括味道可以。。。但價錢都偏貴。。。😅😅😅下次再來要試試其它餸至得。。。因為見隔壁的豬手好似好好味好大份咁。。。🤣🤣🤣

文記車仔麵 (福榮街)地址: 深水埗福榮街123號地下C號舖深水埗福榮街有4 間分店，好犀利！🤩🤩一到埗排長龍，除左遊客都有許多本地人光顧，好似港式拉麵🍜裝修🤣🤣 一字排開，座位前有好多醬料可以用！ 排隊後入店以QR code 下單，以payme / 信用卡付費，先付費後上車仔麵， 等待需時呀！ 車仔麵有好多款式，粗麵幼麵、米粉等，餸菜我選香辣魷魚、酸齋、豬紅，清湯、咖喱汁小小辣，我鍾意加菜甫，非常爽脆，又夠辣🤣😂😂 另一碗選陳皮魚蛋、豬肉餃、豬腩肉、清湯咖喱汁，文記秘製小辣汁☺️☺️飲品另加錢，不跟餐， 加杯奶茶，盛惠138HkD 貼地之選，港式美食🥹🍽️🫶🏻

見咁耐冇食，又咁啱行過就去食啦見到其中一間勁多人排隊就放棄咗呢一間要喺門口度撳機俾錢然後就可以入去坐大前提係非現金支付比完錢會出一張飛拎俾門口個阿姐佢就會帶叫你入去坐邊個位碗麵都係自動列車咁送過嚟完全係冇服務㗎牛腩蝦卷油麵（牛腩汁湯底）牛腩淋身，幾好味，蝦卷就正常發揮湯底好味，但飲完之後好口渴，應該落好多味精

待應服務態度惡劣，完全不想提供服務，影衰香港。如果要感受香港特色，文化，食物，千其不要來這裡。身邊三個台灣遊客，想問多－句都不可以，不可以改單，麵底同飲品被迫給他們選，想的時間都不可以，有這個班待應，不會有人再來，請你食也不會。